Jón Ingi hóf störf hjá Arctica Finance í mars 2020. Jón Ingi hefur starfað á fjármálamarkaði frá árinu 2000, fyrst hjá Sameinaða lífeyrissjóðinum og síðar sem forstöðumaður og verðbréfamiðlari hjá Íslands­banka, Kviku og Landsbanka Íslands. Frá árunum 2010 til 2015 starfaði Jón Ingi sem sjóðs­stjóri hjá J Bond Partners og Landsbréfum. Jón Ingi er með B.S. í fjármálum frá Háskóla Íslands og hefur lokið prófi í verðbréfaviðskiptum.

Áður en Rúnar Steinn gekk til liðs við Arctica Finance starfaði hann sem hlutabréfamiðlari hjá Íslandsbanka frá 2018-2023, sem hlutabréfamiðlari hjá Fossum mörkuðum 2017-2018, sem skuldabréfamiðlari hjá Íslandsbanka 2015-2017 og sem gjaldeyrismiðlari hjá sama banka árin 2012-2015. Þar áður starfaði Rúnar sem sérfræðingur hjá Vátryggingafélagi Íslands og sinnti jafnframt dæmakennslu við Háskóla Íslands. Rúnar lauk meistaragráðu í fjármálum fyrirtækja frá Háskólanum í Reykjavík árið 2019, B.Sc. gráðu í hagfræði frá Háskóla Íslands árið 2011, og hefur auk þess lokið prófi í verðbréfaviðskiptum.

Sverrir Bergsteinsson hóf störf hjá Markaðsviðskiptum Arctica Finance í júlí 2023. Sverrir hefur starfað á fjármálamarkaði frá árinu 2006, fyrst hjá Fjárfestingafélaginu Straumborg til ársins 2009. Hann vann hjá Slitastjórn Landsbanka Íslands sem sérfræðingur á lánasviði til ársins 2014 og hjá sjóðastýringarfélaginu GAMMA Capital Management, sem sjóðsstjóri lánasjóða til ársins 2019. Við yfirtöku Kviku á GAMMA, árið 2019, fluttist hann til sjóðastýringarfélagsins Júpíter sem síðar varð Kvika Eignastýring og stýrði þar lánasjóðum ásamt því að sitja í lánanefnd ýmissa sjóða. Árið 2021 hóf Sverrir störf hjá Glym Eignastýringu og kom að stofnun nokkurra lánasjóða hjá félaginu. Sverrir er með B.S. í hagfræði frá Háskóla Íslands og hefur lokið prófi í verðbréfaviðskiptum.

Magnús Símonarson hóf störf sem sérfræðingur í Markaðsviðskiptum Arctica Finance í upphafi ársins 2023. Magnús hefur starfað á fjármála­markaði samhliða námi undanfarin ár. Þar hefur hann starfað hjá Arion banka við eignastýringu fagfjárfesta og rekstur lífeyrissjóða. Þar að auki hefur Magnús sinnt dæmatímakennslu í áföngunum Rekstrarhagfræði 2 og Líkindafræði og forritun við Háskóla Íslands. Magnús er með B.S. í hagfræði frá Háskóla Íslands en nám hans þar var að hluta tekið við Stanford háskóla í Bandaríkjunum.

Ægir Birgisson hóf störf hjá Markaðsviðskiptum Arctica Finance í ágúst 2018. Ægir hefur starfað á fjármálamarkaði frá árinu 1994, fyrst hjá Verðbréfamarkaði íslandsbanka (VÍB) við fjárfestingaráðgjöf til einstaklinga og síðar sem forstöðumaður og verðbréfamiðlari hjá Íslandsbanka, Fjárfestingarbanka atvinnulífsins (FBA), Straumi fjárfestingarbanka og VBS fjárfestingarbanka. Frá árunum 2011 til 2018 starfaði Ægir sjálfstætt við fjárfestingar og ráðgjöf. Ægir er með B.S. í fjármálum frá University of S - Alabama, MBA frá Háskólanum í Reykjavík og hefur lokið prófi í verðbréfaviðskiptum.

Stefán er framkvæmdastjóri og einn af stofnendum Arctica Finance. Stefán var forstöðumaður Fyrirtækjaráðgjafar Landsbankans á Íslandi og vann hjá Landsbankanum á árunum 1999 fram til október 2008. Á þessum tíma leiddi Stefán eða tók þátt í flestum af helstu fyrirtækja­ráðgjafar­verkefnum bankans. Stefán lauk kandídatsprófi í lögfræði frá Háskóla Íslands árið 1999, öðlaðist málflutningsréttindi fyrir héraðsdómi árið 2001, og hefur lokið prófi sem löggiltur verðbréfamiðlari bæði á Íslandi og í Bretlandi.

Ólafur er lögfræðingur og einn af stofnendum Arctica Finance. Ólafur hefur starfað í fjármálageiranum frá 1999 þegar hann hóf störf í Búnaðarbankanum, en hann starfaði hjá Landsbanka Íslands frá júní 2003. Á þessum tíma hefur Ólafur komið að mörgum af helstu íslensku verkefnum tengdum fyrirtækjaráðgjöf. Ólafur lauk kandídatsprófi í lögfræði frá Háskóla Íslands árið 1998 og er með próf í verðbréfaviðskiptum.

Bjarni Þórður Bjarnason, aðstoðar­framkvæmda­stjóri, er einn af stofnendum Arctica Finance. Frá júní 2003 til október 2008 var Bjarni forstöðumaður Fyrirtækjaráðgjafar Landsbankans. Fyrir þann tíma var Bjarni aðstoðarforstöðumaður Fyrirtækja­ráðgjafar Búnaðarbankans og þar áður í samskonar stöðu hjá Gildingu fjárfestingarsjóði. Bjarni var fyrir þetta einnig sérfræðingur hjá Fyrirtækjaráðgjöf Kaupþings. Á síðustu árum hefur Bjarni veitt mörgum íslenskum og erlendum fjárfestum ráðgjöf í kaupum og sölum á fyrirtækjum og rekstri auk þess að safna hlutafé. Bjarni er vélaverkfræðingur frá Háskóla Íslands og með MBA gráðu frá Southern Methodist University í Bandaríkjunum.

Berglind Gretarsdóttir er með B.S. gráðu í viðskiptafræði frá California State University Long Beach. Berglind hefur starfað á fjármálamarkaði frá árinu 1989, lengst af hjá Íslandsbanka sem deildarstjóri í rekstrardeild og rekstrarstjóri í reikningshaldi. Berglind starfaði hjá Saga Fjárfestingarbanka 2009 – 2011. Ennfremur hefur Berglind stundað nám í Iðnskólanum í Hafnarfirði á hönnunar- og listnámsbraut.