Markaðsviðskipti Arctica Finance hafa milligöngu um viðskipti með innlenda og erlenda fjármálagerninga, hvort sem það eru skráðir eða óskráðir fjármálagerningar.
Markaðsviðskipti Arctica Finance er óháð og hlutlaus. Arctica Finance hefur ekki með höndum útlánastarfssemi og sérfræðingar markaðsviðskipta eru því óháðir í greiningu, mati og vali á fjárfestingum og fjármögnunarkostum sem skilar sér í faglegri þjónustu viðskiptavinum til hagsbóta.
Arctica Finance veitir viðskiptavinum sínum alla nauðsynlega þjónustu við kaup og sölu verðbréfa, þ.á.m.:
Starfsfólk Arctica Finance hefur áralanga reynslu af umsjón með hvers kyns útboðum skulda- og hlutabréfa. Arctica Finance þjónustar fyrirtæki, sveitarfélög og stofnanir við að afla sér fjármagns með lokuðum skulda- og hlutabréfaútboðum. Þjónusta af þessu tagi felst meðal annars í eftirfarandi atriðum:
Rík áhersla er lögð á þverfaglega samvinnu og þjónustu við endurskipulagningu og fjármögnun fyrirtækja með það fyrir augum að finna markaðstengdar lausnir og þannig auka vídd mögulegra úrlausna til hagsbóta fyrir bæði fjárfesta og fyrirtæki.
Starfsfólk markaðsviðskipta Arctica Finance hefur víðtæka og áralanga reynslu af miðlun innlendra og erlendra verðbréfa. Þú getur alltaf leitað til starfsfólks markaðsviðskipta þegar þig vantar aðstoð eða ráðgjöf.
Jón Ingi Árnason er forstöðumaður Markaðsviðskipta, en hann hóf störf hjá Arctica Finance í mars 2020. Jón Ingi hefur starfað á fjármálamarkaði frá árinu 2000, fyrst hjá Sameinaða lífeyrissjóðinum og síðar sem forstöðumaður og verðbréfamiðlari hjá Íslandsbanka, Kviku og Landsbanka Íslands. Frá árunum 2010 til 2015 starfaði Jón Ingi sem sjóðsstjóri hjá J Bond Partners og Landsbréfum.
Jón Ingi er með BSc-gráðu í fjármálum frá Háskóla Íslands og hefur hann jafnframt öðlast verðbréfaréttindi.
Magnús Símonarson er sérfræðingur í Markaðsviðskiptum Arctica Finance. Magnús hóf störf hjá Arctica Finance í upphafi ársins 2023, en áður starfaði hann hjá Arion banka við eignastýringu fagfjárfesta og rekstur lífeyrissjóða samhliða námi. Þar að auki hefur Magnús sinnt dæmatímakennslu í rekstrarhagfræði, líkindafræði og forritun við Háskóla Íslands.
Magnús lauk BSc-gráðu í hagfræði frá Háskóla Íslands árið 2023 en nám hans þar var að hluta tekið við Stanford háskóla í Bandaríkjunum og hefur hann jafnframt öðlast verðbréfaréttindi.
Rúnar Steinn Benediktsson er sérfræðingur í Markaðsviðskiptum Arctica Finance. Áður en Rúnar Steinn gekk til liðs við Arctica Finance starfaði hann sem hlutabréfamiðlari hjá Íslandsbanka frá 2018-2023, sem hlutabréfamiðlari hjá Fossum mörkuðum 2017-2018, sem skuldabréfamiðlari hjá Íslandsbanka 2015-2017 og sem gjaldeyrismiðlari hjá sama banka árin 2012-2015. Þar áður starfaði Rúnar sem sérfræðingur hjá Vátryggingafélagi Íslands og sinnti jafnframt dæmakennslu við Háskóla Íslands.
Rúnar lauk meistaragráðu í fjármálum fyrirtækja frá Háskólanum í Reykjavík árið 2019, B.Sc. gráðu í hagfræði frá Háskóla Íslands árið 2011 og hefur hann jafnframt öðlast verðbréfaréttindi.
Sveinn Þórarinsson er sérfræðingur í Markaðsviðskiptum Arctica Finance. Hann hóf störf hjá Arctica Finance í júní 2025. Sveinn hefur starfað á fjármálamarkaði frá árinu 2003 þegar hann hóf störf hjá Glitni. Hann starfaði fyrst á lánasviði í eignarleigu og síðar í Greiningardeild Íslandsbanka til ársins 2009 þegar hann hóf störf í Fyrirtækjaráðgjöf bankans. Eftir mastersnám milli 2011 og 2013 var Sveinn ráðinn til Landsbankans og stýrði hlutabréfagreiningu bankans til ársins 2021. Sveinn starfaði síðan sem sjóðstjóri hlutabréfa hjá Kviku Eignastýringu frá 2022 til 2025.
Sveinn er með BSc-gráðu í fjármálum frá Háskóla Íslands, MSc-gráðu í nýsköpunarfræðum frá Háskólanum í Gautarborg og hefur hann jafnframt öðlast verðbréfaréttindi.
Sverrir Bergsteinsson hóf störf hjá Markaðsviðskiptum Arctica Finance í júlí 2023. Sverrir hefur starfað á fjármálamarkaði frá árinu 2006, fyrst hjá Fjárfestingafélaginu Straumborg til ársins 2009. Hann vann hjá Slitastjórn Landsbanka Íslands sem sérfræðingur á lánasviði til ársins 2014 og hjá sjóðastýringarfélaginu GAMMA Capital Management, sem sjóðsstjóri lánasjóða til ársins 2019. Við yfirtöku Kviku á GAMMA, árið 2019, fluttist hann til sjóðastýringarfélagsins Júpíter sem síðar varð Kvika Eignastýring og stýrði þar lánasjóðum ásamt því að sitja í lánanefnd ýmissa sjóða. Árið 2021 hóf Sverrir störf hjá Glym Eignastýringu og kom að stofnun nokkurra lánasjóða hjá félaginu.
Sverrir er með BSc-gráðu í hagfræði frá Háskóla Íslands og hefur hann jafnframt öðlast verðbréfaréttindi.
Ægir Birgisson hóf störf hjá Markaðsviðskiptum Arctica Finance í ágúst 2018. Ægir hefur starfað á fjármálamarkaði frá árinu 1994, fyrst hjá Verðbréfamarkaði Íslandsbanka (VÍB) við fjárfestingaráðgjöf til einstaklinga og síðar sem forstöðumaður og verðbréfamiðlari hjá Íslandsbanka, Fjárfestingarbanka atvinnulífsins (FBA), Straumi fjárfestingarbanka og VBS fjárfestingarbanka. Frá árunum 2011 til 2018 starfaði Ægir sjálfstætt við fjárfestingar og ráðgjöf.
Ægir er með BSc-gráðu í fjármálum frá University of S - Alabama, MBA frá Háskólanum í Reykjavík og hefur hann jafnframt öðlast verðbréfaréttindi.
